O xoves, día catorce, comezamos a última xornada en Lourdes cunha reportaxe fotográfica de todo o vivido e que nos serviu de recordatoio para facer, a continuación, a avaliación de cada unha das actividades realizadas e dos distintos momentos compartidos cos máis de oitocentos asistentes, baixo o lema " ASSOMPTION À L´UNISSON": Eres ti, son eu, somos nós, somos todos unha gran familia, a familia Asunción! A nosa educación. Miremos alto e lonxe!
Reunidos por grupos, calificamos cun adxectivo cada un dos momentos e respondemos a un cuestionario sobre a transformación vivida, os aspectos máis salientables e os posibles puntos de mellora, para futuros encontros. Todo isto plasmouse nunha cartolina, que todos os grupos presentaron na Eucaristía.
Rematada a celebración e despois de xantar, comezou o momento das despedidas e inicio das viaxes de regreso.
Salientar o bo comportamento dos nosos alumnos, así como a súa actitude, participando activamente en todas as actividades!
As catro da tarde, chegamos ao Colexio da Asunción de San Sebastián, onde nos agardaba a relixiosa Asun Miguel, a que foi durante moitos anos profesora e directora de Sarria e que na actualidade forma parte do "Consejo Provincial". Nada máis pousar as maletas, levounos a facer un percorrido pola súa cidade, para amosarnos o máis salientable, as súas praias, os seus monumentos, os montes que a arrodean, etc., e facer unha parada para merendar, na parte antiga.
Voltamos ao centro para compartir coas relixiosas, entre elas Lourdes Zubillaga, á que moitos recordamos porque tamén foi Superiora de Sarria, a cea que tiñan preparada! O noso agradecemento a comunidade relixiosa por darnos aloxamento tanto ao ir como ao vir, cea e almorzo; así, como outros agasallos!
O venres, ás seis da tarde, rematou a nosa enriquecedora viaxe! Animámosvos a participar en futuros encontros!
Moitas grazas a " Asunción - France", ás responsables da organización, en especial, a Ana Alonso, coordinadora española; aos nosos compañeiros dos colexios de Madrid, Ponferrada e San Sebastián, e aos alumnos de Sarria, que nos representaron excelentemente!
Recuérdeme
De acuerdo con el artículo 13 del Reglamento (UE) nº 2016/679 ("GDPR"), declaro que he leído la Política de privacidad del "COLEXIO NOSA SEÑORA DA ASUNCIÓN" y doy mi consentimiento para el uso de los datos que proporciono.