Distintivo de calidade de centros docentes "Sello de Vida saludable"

O colexio da Asunción de Sarria está de noraboa!!!

O Ministerio de Educación e Formación Profesional vén de outorgarnos o distintivo de calidade de centros docentes "Sello de Vida Saludable".

Este distintivo é un recoñecemento público aos centros que fomentan a aprendizaxe da saúde no ámbito educativo, así como a asunción de prácticas de Vida saudable e unha educación física que permita o axeitado desenvolvemento persoal e social ao longo da escolarización dos alumnos.

Son moitos os proxectos desenvolvidos no noso centro que nos fixeron merecedores deste recoñecemento, pero esta distinción é un pulo máis para continuar mellorando.

Queremos ademais felicitar a outro centro da nosa vila, o IES Xograr Afonso Gómez por ser tamén un dos 56 centros de España recoñecidos este ano con esta distinción.